Yanvarın 21-i saat 10:00-a olan faktiki hava açıqlanıb.
Gencexeber.az-a Milli Hidrometeorologiya Xidmətindən verilən xəbərə görə, yanvarın 21-i saat 10:00-a olan məlumatına əsasən əksər rayonlarda hava şəraiti yağmursuz keçib.
Dağlıq rayonlarda qar yağıb, yağan qarın hündürlüyü Daşkəsəndə 1 sm-dir.
Qərb küləyi əsib, sarı xəbərdarlığa uyğun olaraq arabir Goranboyda 19 m/s, Naftalanda 18 m/s, Mingəçevirdə 16 m/s-dək güclənib.
Havanın minimal temperaturu Aran rayonlarında 2 dərəcə şaxtadan 5 dərəcəyədək isti, dağlıq rayonlarda 8 dərəcəyədək şaxta qeydə alınıb
