Gəncədə 20 nömrəli məktəbin idman zalına su damır.
Bununla bağlı Gencexeber.az-a məktəbdə təhsil alan şagirdlərin valideynləri tərəfindən şikayət daxil olub.
Onlar bildirir ki, təhsil ocağının dam örtüyü yararsız vəziyyətdə olduğu üçün hər dəfə yağış yağanda idman zalına su damır:
“Artıq zalın tavanı acınacaqlı vəziyyətdədir. Suyun damması bir kənara, qorxuruq ki, tavan bərbad hala düşdüyü üçün hansısa bədbəxt hadisə baş verər. Məsələ ilə bağlı dəfələrlə məktəb direktoruna şikayətimizi bildirmişik. O da qeyd edib ki, aidiyyəti qurumlara müraciət edib. Valideynlər olaraq xahiş edirik ki, hər hansı bir bədbəxt hadisə baş verməmiş dam örtüyü də, tavan da təmir olunsun”.
