Şəmkir və Göygöldə yanğın olub.
Gencexeber.az Fövqəladə Hallar Nazirliyinə (FHN) istinadən məlumat verir ki, Şəmkir rayonunun Keçili kəndində ümumi sahəsi 320 m² olan talvarın yanar konstruksiyaları 20 m² sahədə yanıb. Bundan başqa, rayonun digər ərazisində ümumi sahəsi 120 m² olan taxta konstruksiyadan ibarət birmərtəbəli 4 otaqlı ev yanıb.
Həmçinin Göygöl rayonunun Yeni Qızılca kəndində ümumi sahəsi 80 m² olan tövlənin dam örtüyünün yanar konstruksiyaları 30 m² sahədə və damına yığılan 0,1 ton ot bağlaması yanıb.
Hər üç hadisə zamanı ərazilərə FHN-nin yanğından mühafizə bölmələri cəlb edilib. Alovun tikililərin qalan hissələrinə keçməsinin qarşısı alınıb.
