Şəmkir rayonunun Çənlibel kəndi ərazisində yol-nəqliyyat qəzasının baş verib. Nəticədə vətəndaş avtomobildə sıxılı vəziyyətdə qalıb.
Gencexeber.az Fövqəladə Hallar Nazirliyinə istinadən məlumat verir ki, əraziyə qurumun Yanğından Mühafizə Hissəsinin yanğınsöndürən-xilasediciləri cəlb olunub. "Qazel" markalı yük avtomobili ilə “Lada Niva” markalı minik avtomobilinin toqquşması nəticəsində minik avtomobilinin sürücüsü deformasiyaya uğramış nəqliyyat vasitəsində sıxılı vəziyyətdə qalıb. 29 yaşlı İsmayılov Tural Xasay oğlunu xüsusi vasitələrin köməyi ilə xilas edərək təcili tibbi yardım briqadasına təhvil veriblər.
Hadisə ilə əlaqədar müvafiq qurumlar tərəfindən təhqiqat aparılır.
