Gəncədə Dram Teatrının nəzdində studiya fəaliyyətə başlayır. Bu haqda 28 avqust tarixində Report-a istinadən xəbər veririk.
Gəncə Dövlət Dram Teatrının nəzdində teatr studiyası yaradılıb. Studiyanın yaranma səbəbi teatrda kadr problemini aradan qaldırmaq, həmçinin peşəkar səhnə üçün yeni aktyorlar yetişdirməkdir.
Qeyd edək ki, bu ilin 11-12 aprel tarixlərində Heydər Əliyevin 100 illik yubileyi çərçivəsində Azərbaycan peşəkar milli teatrının 150 illiyi ilə əlaqədar ilk Teatr Forumu keçirilib. Burada teatr sahəsinin inkişaf perspektivləri ilə bağlı bir çox məsələlər, o cümlədən region teatrlarının mövcud problemləri də müzakirə edilib.
