Gəncədə yanğın hadisəsi baş verib. Bu haqda 13 iyun tarixində FHN-ə istinadən məlumat veririk.
Hadisə şəhərin Poçt qəsəbəsində qeydə alınıb. Ümumi sahəsi 200 kvadratmetr olan birmərtəbəli 6 otaqlı evin 1 otağının yanar konstruksiyaları 25 kvadratmetr sahədə yanıb.
Əraziyə Fövqəladə Hallar Nazirliyinin Yanğından mühafizə bölmələri cəlb olunub. Yanğın qısa müddətdə məhdudlaşdırılaraq söndürülüb. Evin qalan hissəsi alovdan mühafizə olunub.
