Türkiyədən Vyetnama piyada səyahət edən avstraliyalı Sofi Tanq Gəncədə xoşagəlməz halla qarşılaşıb.
Gencexeber.az məlumat verir ki, xarici turist Gəncədə olarkən küçə pişiyi tərəfindən dişlənib. Şəhərin müxtəlif tibb ocaqlarına müraciət edən qadına yalnız Gəncə şəhər 2 nömrəli şəhər poliklinikasında yardım edilib. 5 ədəd zərdab vurulduqdan sonra xanım yola salınıb.
S.Tanq sözügedən xəstəxanada tibb bacıları və qəbulda çalışan xanımın ona qarşı mehriban davranışını qeyd edib.
"Xüsusilə ingiliscə danışan resepsiyonist mənə böyük kömək oldu", – səyyah bildirib.
Avstraliyalı turist hadisəni sosial şəbəkə hesabında bölüşüb və Gəncədəki təcrübəsini izləyiciləri ilə paylaşıb. O, tibb işçilərinin ümumilikdə xoş münasibət göstərdiyini, lakin quduzluq peyvəndinin yalnız bir tibb müəssisəsində mövcud olmasının çətinlik yaratdığını qeyd edib.
