Gəncədə yanğın hadisəsi baş verib. Bu haqda 15 iyun tarixində Apa-ya istinadən məlumat veririk.
Hadisə şəhərin Poçt qəsəbəsində qeydə alınıb. Evlərdən birində anidən yanğın başlayıb. Əraziyə Fövqəladə Hallar Nazirliyinin yanğından mühafizə bölmələrinin avtomobilləri və canlı qüvvəsi cəlb olunub.
FHN-in məlumatına əsasən, ümumi sahəsi 100 kvadratmetr olan 3 otaqlı evin bir otağının tavanı 6 kvadratmetr sahədə yanıb. Evin qalan hissəsi alovdan mühafizə olunub.
Yanğın zamanı 54 yaşlı ev sahibi Famil Məhərrəm oğlu Cabbarovun təzyiqi qalxıb. Ona Təcili Tibbi Yardım Xidməti tərəfindən ilkin tibbi yardım göstərilib.
