1992-ci il təvəllüdlü Vüsal Nəbiyev ailə münaqişəsi zəminində atasını öldürüb.
Demokrat.az xəbər verir ki, o, yaşadığı Mingəçevir şəhəri, Sahil küçəsində yerləşən fərdi yaşayış evinin darvazasını, giriş qapısını və digər ev əşyalarını satdığına görə doğma atası ilə əvvəllər mütəmadi olaraq mübahisə edib.
Vüsal 2024-cü ilin oktyabrın 11-də, saat 18:00-da Mingəçevir şəhər ərazisində spirtli içki qəbul edib və həmin gün təxminən saat 18:35-dən 22:00-a qədər olan vaxt aralığında sərxoş vəziyyətdə yaşadığı evə gəlib.
Qatil oğul evin qarşısında oturan atasının spirtli içki qəbul etməsini və ayrı-ayrı şəxslərdən pul diləndiyini bəhanə edib, heç bir əsaslı səbəb olmadan qolundan tutub və sürüyərək yaşadığı otağa aparıb. Orada atasını döyə-döyə öldürüb.
Hadisəni törədən V. Nəbiyevin barəsində Cinayət Məcəlləsinin 126.3-cü (qəsdən sağlamlığa ağır zərər vurma - ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham elan edilib.
İş üzrə ifadə verən təqsirləndirilən şəxs ona elan olunmuş ittiham üzrə özünü təqsirli bilib.
Şəki Ağır Cinayətlər Məhkəməsinin hökmü ilə V. Nəbiyev 10 il 1 ay müddətə azadlıqdan məhrum edilib. Onun cəzasını ümumi rejimli cəza çəkmə müəssisəsində çəkməsi müəyyən edilib.
