Gəncə təmsilçisi cəzalandırılıb. Bu haqda 24 avqust tarixində PFL-ə istinadən məlumat veririk.
Bu gün, avqustun 24-də İntizam Komitəsinin iclası keçirilib. Burada bir sıra qərarlar alınıb. Misli Premyer Liqasının III turunun “Kəpəz” – “Turan Tovuz” qarşılaşması bitdikdən sonra meydançaya kənar şəxslər daxil olduğuna görə “Kəpəz”ə 800 manat cərimə təyin edilib. Matçda “Sarı-göylər”in azarkeşləri tərəfindən kütləvi şəkildə oyunun rəsmi şəxslərinin ünvanına təhqiramiz ifadələr səsləndirilib və bu hal cari mövsümdə ilk dəfə yaşandığına görə, kluba xəbərdarlıq olunub.
Bundan başqa, “Kəpəz” oyunda “Mix” zona təşkil edilmədiyinə görə 500, zonaların tələblərinə riayət olunmadığına görə də əlavə 500 manat cərimə edilib.
