Gəncəyə yeni təyin olunmuş Baş konsulla görüş keçirilib. Bu haqda 18 yanvar tarixində İcra Hakimiyyətinə istinadən məlumat veririk.
İcra başçısı Türkiyə Respublikasının Gəncə şəhərinə yeni təyin olunmuş Baş konsulu Recep Öztopla görüşüb. Niyazi Bayramov rəsmi qonağı salamlayaraq onu yeni təyinatı ilə bağlı təbrik edib. Ona Gəncənin tarixi, mədəniyyəti və iqtisadiyyatı barədə ətraflı məlumat verilib.
Recep Öztop Türkiyə ilə Azərbaycan arasındakı qardaşlığın ən gözəl nümunələrindən olan Gəncə şəhərində xidmətə başladığı üçün qürur duyduğunu bildirib. O qeyd edib ki, daha əvvəl Türkiyənin Naxçıvan Muxtar Respublikasındakı Baş konsulluğunda xidmət edib.
Görüşdə Gəncə şəhərində reallaşdırılan bir sıra infrastruktur layihələri barədə məlumat verilib, perspektivdə olan bir sıra məsələlər müzakirə olunub.
Sonda qarşılıqlı hədiyyələr təqdim olunaraq şəkil çəkdirilib.
