Gəncə şəhər icra başçısı dövlət qurumunun nümayəndəliklərində olub. Bu haqda 15 aprel tarixində Gəncə ŞİH-yə istinadən xəbər veririk.
Niyazi Bayramov “Gəncə şəhəri Kəpəz və Nizami rayonlarının icra hakimiyyəti başçıları aparatlarının nümunəvi strukturu və ştat vahidlərinin sayı” cədvəlinin ləğvi ilə əlaqədar Gəncə Şəhər İcra Hakimiyyəti başçısının tabeliyinə verilən sahə inzibati ərazi və qəsəbə inzibati ərazi dairələri üzrə nümayəndəliklərini ziyarət edib.
Şəhər rəhbəri nümayəndəliklərin iş fəaliyyəti və əmək şəraitləri ilə yerində tanış olub, öz tapşırıqlarını verib. Bununla yanaşı, Niyazi Bayramov Nizami və Kəpəz Bələdiyyələrinə də baş çəkib, burada əməkdaşlarla görüşüb, onlara öz tövsiyələrini verib və işlərində uğurlar arzulayıb.
