Ötən gün baş verən qəzada həlak olan gənc dəfn olunub. Bu haqda Gencexeber.az-a 16 avqust tarixində məlumat daxil olub.
Daha öncə paytaxtın Heydər Əliyev prospektində “Nikosayağı” kimi tanınan Nicat Şakirlinin qəza törətməsi nəticəsində 27 yaşlı Ruslan Şahin oğlu Məmmədovun hadisə yerində həyatını itirməsi barədə xəbər paylaşmışdıq. Bu gün mərhumun evində yas mərasimi keçirilib.
Dünyasını dəyişən gənc Yeni Səbiskar qəbiristanlığında dəfn edilib. Mərhumu son mənzilə yola salmaq üçün yüzlərlə insan toplaşıb. Ruslan nənə və babasının yanında dəfn olunub. Gəncin məzarına çoxsaylı gül dəstələri və əklillər qoyulub.
Qeyd edək ki, Ruslan Məmmədov Azərbaycan diasporunun tanınmış simalarından olan Şimali Osetiya-Alaniya Respublikası Azərbaycanlıları Konqresinin fəxri prezidenti Şahin Məmmədovun oğludur. Mərhumun atası, həmçinin “İmperial” Şadlıq Sarayının və İstirahət Mərkəzinin sahibidir.
[modula id="42708"]
