Şəmkir Rayon Polis Şöbəsinin əməkdaşlarının həyata keçirdikləri əməliyyat zamanı narkotik vasitələrin satışı ilə məşğul olan, əvvəllər də analoji əməlinə görə məhkum olunmuş 38 yaşlı Elvin Əliyev saxlanılıb.
Gencexeber.az-a bu barədə DİN-in mətbuat xidmətinin Gəncə regional qrupunun baş inspektoru Eşqin Qasımov məlumat verib.
E.Əliyevin üzərindən və evindən 2 kiloqramdan artıq narkotik vasitə tiryək, marixuana və metamfetamin aşkar edilərək götürülüb.
Saxlanılan şəxs narkotik vasitələri satmaq məqsədi ilə əldə etdiyini bildirib.
Faktla bağlı cinayət işi başlanılıb, E.Əliyev barəsində həbs qətimkan tədbiri seçilib. Araşdırmalar davam etdirilir.
