Samux rayon Lək kənd tam orta məktəbin akt zalında 2025-ci ilin “Konstitusiya və Suverenlik İli” elan edilməsi çərçivəsində Samux rayonu üzrə gənclər və idman sektorunun və Samux rayonu üzrə Təhsil sektorunun birgə təşkilatçılığı ilə “Narkomaniya bəşəriyyətin bəlasıdır” mövzusunda maarifləndirici tədbir keçirilib.
Gencexeber.az bildirir ki, tədbirdə Samux rayonu üzrə gənclər və idman sektorunun baş məsləhətçisi Tural Qurbanov, Samux rayon Lək kənd tam orta məktəbin direktoru Eynulla Xəlilov, məktəbin psixoloqu Xəyalə İsmayılova və məktəbli gənclər iştirak edib.
Çıxış edənlər şagirdlərə tövsiyələr verərək hansı yaş kateqoriyasında olmalarına baxmayaraq hər zaman öncəliklə sağlam həyat tərzi sürmələrini, güclü iradəyə sahib olub heç kimin təsiri altına düşmədən doğru yolu seçmələrini gənclərin diqqətinə çatdırıblar.
