Gəncədə bir neçə nəfər Özbəkistanın “Turan” Elmlər Akademiyası tərəfindən təltif olunub. Bu haqda Gencexeber.az-a 4 iyul tarixində məlumat daxil olub.
Tədbir Mərkəzi Kitabxanada baş tutub. Burada “Turan” Elmlər Akademiyasının Azərbaycan filialının rəhbəri, akademik Sabir Tağıyev çıxış edib. O, bildirib ki, son illər Azərbaycan və Özbəkistan xalqları arasındakı qədim dostluq ənənələri və əməkdaşlıq əlaqələri daha da möhkəmlənib. Həmçinin hər iki ölkənin alimlərinin qarşılıqlı elmi əlaqələri də intensivləşib.
Daha sonra Əməkdar rəssam, professor Şaiq Məmmədova, Gəncə Dövlət Universitetinin Ümumi pedaqogika kafedrasının dosenti Bayram Apoyevə və Azərbaycan Rəssamlar İttifaqının üzvü, miniatürçü rəssam Fərman Hüseynova “Turan” Elmlər Akademiyasının akademiklik diplomları və medalları təqdim olunub.
Görüşdə təltif edilən alimlərin məhsuldar elmi və ictimai fəaliyyətlərindən söhbət açılıb. Şaiq Məmmədov, Bayram Apoyev və Fərman Hüseynov “Turan” Elmlər Akademiyası rəyasət heyətinin üzvlərinə minnətdarlıqlarını bildirib, Azərbaycan və özbək alimlərinin elmi əlaqələrinin əhəmiyyətindən danışıblar.
[modula id="40116"]
