Gəncədə konsert proqramı baş tutub. Bu haqda 11 sentyabr tarixində Kəpəz televiziyasına istinadən məlumat veririk.
Xalq artisti Mobil Əhmədovun xatirəsi yad edilib. “Ustadın yolu ilə” adlı tədbir Gəncə Dövlət Filarmoniyasında təşkil olunub. Burada Mobil Əhmədovun Bülbülün sinfində təhsil aldığına diqqət çəkilib, onun məktəbinin davamçısı olduğu vurğulanıb. Həmçinin Xalq artistinin fəaliyyəti haqda danışılıb.
Daha sonra Gəncə Dövlət Filarmoniyasının Kamera Orkestri və estrada kollektivinin müşayiəti ilə Xalq artisti Fidan Hacıyeva, əməkdar artistlər Ramil Qasımov, İnarə Babayeva və digər sənətkarlar Mobil Əhmədovun oxuduğu nəğmələri səsləndiriblər.
