Gəncədə açıq birincilik keçirilib. Bu haqda 28 fevral tarixində Gənclər və İdman Baş İdarəsinə istinadən məlumat veririk.
MMA üzrə birincilik "İdman Həftəsi" çərçivəsində Gənclər və İdman Baş İdarəsinin təşkilatçılığı ilə baş tutub. Burada baş idarənin rəisi Həmid Nəsirov, Göygöl Rayon Gənclər və İdman İdarəsinin rəisi Zaur Abbasov, MMA idman növünün Gəncə nümayəndəsi Səbuhi Məmmədov və yarışın baş hakimi Cavidan Cəfərov çıxış edərək idman və bədən tərbiyəsi haqqında məlumat veriblər. Sonra onlar iştirakçılara uğurlar arzulayıblar.
Birincilik 2006-2007, 2008-2009, 2010-2011, 2012-2013, 2014-2015-ci il təvəllüdlü yeniyetmə idmançılar (oğlanlar və qızlar) arasında təşkil olunub. Yarışda Gəncə, Bakı, Göygöl, Gədəbəy, Goranboy, Bərdə, Qəbələ, Qax, Tovuz, Ağstafa, Şəmkir komandalarının tərkibində 200 nəfərə yaxın idmançı mübarizə aparıb.
Sonda qaliblər Baş İdarə tərəfindən diplom və medallarla təlif olunublar.
