Gəncə şəhərində yollarda və səkilərdə təhlükəsizliyin təmin edilməsində mühüm əhəmiyyət daşıyan məhəccərlərin təmirə ehtiyac olan hissələrində Mənzil Kommunal Təsərrüfatı İstehsalat Birliyi (MKTİB) tərəfindən işlər aparılıb.
Gencexeber.az MKTİB-ə istinadən məlumat verir ki, əsasən yol qəzaları zamanı sıradan çıxan məhəccərlərin Heydər Əliyev prospektində yerləşən hissəsində qaynaq işləri aparılıb, daha sonra rənglənməsi təmin edilib.
Bundan başqa MKTİB tərəfindən şəhərin baş meydanında aparılan abadlıq, quruculuq işləri çərçivəsində, ərazidə mövcud yaşıllıqların suvarılmasını təmin etmək məqsədilə yeni su xətləri də çəkilir.
İşlərə qurumun canlı qüvvəsi və xüsusi texnikalar cəlb olunub.
