Mənzil Kommunal Təsərrüfatı İstehsalat Birliyi Gəncə şəhərində yaşayış binalarının dam örtüklərində və novdanlarında yarana biləcək fəsadların aradan qaldırılması istiqamətində işlərini davam etdirir.
Gencexeber.az bildirir ki, Birliyin Təmir-Tikinti və Qəza xidməti şöbəsi tərəfindən bu dəfə 3-cü mikrorayon bina 13-də, Azərbaycan Bayrağı küçəsi bina 19-da, 2-ci mikrorayon bina 22 B və digər müxtəlif ünvanlarda dam örtüyü və novdanlarda qəzalı hissələrdə təmir işləri həyata keçirilib.
Bundan başqa MKTİB-nin mütəxəssisləri tərəfindən dam örtüklərində və novdanlarda yağış sularının normal axınına maneçilik törədən toz-torpaq, xəzəl və bərkimiş palçıq kütləsindən təmizlənib. Məqsəd qeyri-sabit və yağıntılı hava şəraitində bina sakinlərinin rahatlığının təmin edilməsidir.
