Gəncə Apellyasiya Məhkəməsi xuliqanlıq niyyətilə qəsdən sağlamlığa ağır zərər vurmaqda təqsirləndirilən Rauf Fərəcovun barəsində verilmiş apellyasiya şikayətini təmin etməyib.
İttihama görə, hadisə 2024-cü ilin dekabrında Bərdədə baş verib.
Fərəcov bildirib ki, əvvəlcə Nizami Kərimov adlı tanışı ilə mübahisə ediblər və ətrafdakı şəxslərin müdaxiləsi ilə sakitləşdiriliblər. O, mübahisədən sonra evinə qayıtdığını, bir müddət sonra isə evlərinin qapısının döyüldüyünü deyib.
Rauf iddia edib ki, həmin vaxt evlərinin işığını qarşı tərəf söndürüb və əvvəlcədən hazırlıqlı vəziyyətdə gəlib. Qarşı tərəfdə kabel olub və dava zamanı o, yalnız özünü müdafiə etmək məqsədilə bıçaqdan istifadə etdiyini deyib.
Gəncə Apellyasiya Məhkəməsi apellyasiya şikayətini təmin etməyib, 6 il 6 ay həbs hökmünü qüvvədə saxlayıb.
Mənbə: pravda.аz
