Gəncədə şəhər sakini quldurluq üstündə tutulub. Bu haqda 6 mart tarixində Apa-ya istinadən məlumat veririk.
Bir müddət öncə şəhərin Şah İsmayıl Xətai prospektində yerləşən “MegaStore” mağazasında baş verən oğurluq hadisəsi barədə məlumat vermişdik. Maskalı naməlum şəxs mağazaya qanunsuz olaraq daxil olub. O, gözətçiyə küt alətlə xəsarət yetirib və əl və ayaqlarını yapışqanlı lentlə bağlayıb. Daha sonra quldur içində 157.151 manat, 6040 dollar və 18.100 rubl olan dəmir seyfi aparıb.
2-ci Polis Şöbəsinin əməkdaşları əməliyyat keçiriblər. Nəticədə sözügedən seyf mağazanın yaxınlığındakı ərazidən aşkar edilərək götürülüb. Cinayəti törətməkdə şübhəli bilinən şəhər sakini Nicat Abdullayev isə saxlanılıb. İlkin dindirilmə zamanı saxlanılan şəxs törətdiyi cinayət əməlini etiraf edib.
Faktla bağlı cinayət işi başlanıb, araşdırmalar davam etdirilir.
[modula id="33929"]
