Mədəniyyət naziri Adil Kərimli Gəncədə vətəndaşları qəbul edib. Bu haqda 12 iyun tarixində Mədəniyyət Nazirliyinə istinadən məlumat veririk.
Heydər Əliyev Mərkəzində baş tutan qəbulda Gəncə və Naftalan şəhərlərindən, Goranboy, Samux, Kəlbəcər və Xocalı rayonlarından, həmçinin digər bölgələrdən sakinlər iştirak ediblər.
Görüşdə vətəndaşların müxtəlif mövzularda müraciətləri dinlənilib. Müraciətlər işlə təmin olunma, əməyin qiymətləndirilməsi, mədəniyyət müəssisələrinin maddi-texniki təchizatı, ortaya çıxan problemlərin həlli və digər məsələlərlə bağlı olub.
Nazir qaldırılan məsələlərin qanunvericiliyə uyğun həlli barədə müvafiq tapşırıqlar verib.
