Mədəniyyət naziri Adil Kərimli Gəncəyə səfər edib. Bu haqda 12 iyun tarixində Mədəniyyət Nazirliyinə istinadən məlumat veririk.
Nazir şəhərin bir sıra mədəniyyət və bədii təhsil ocaqlarına baş çəkib. O, Nizami Gəncəvi Kinoteatrı (hazırda fəaliyyət göstərmir), Fikrət Əmirov adına Gəncə Dövlət Filarmoniyası və filarmoniyanın Urban Mərkəzində olub, mərkəzdə şəhərin sənətkarları ilə görüşüb.
Sonra Adil Kərimli şəhərin tarixi mərkəzi – Cavad xan küçəsində sakinlərlə söhbət edib.
Gəncə Regional Mədəniyyət İdarəsinin də fəaliyyət göstərdiyi Məhsəti Gəncəvi Mərkəzinə gələn nazirə mərkəz barədə məlumat verilib.
Müəssisələrə baxış zamanı bu günün çağırışlarına cavab verməyən mədəniyyət obyektlərində işin yenidən qurulması, mövcud problemlərin aradan qaldırılması, fəaliyyətin səmərəli təşkili ilə bağlı müvafiq tapşırıq və tövsiyələr verilib.
