Latviyanın nümayəndəsi Gəncəyə səfər edib. Bu haqda 1 iyun tarixində İcra Hakimiyyətinə istinadən məlumat veririk.
Latviya Respublikasının Azərbaycandakı müvəqqəti işlər vəkili Viya Buşa icra başçısı Niyazi Bayramovla görüşüb. Şəhər rəhbərliyi qonağı salamlayaraq, Azərbaycan-Latviya münasibətlərinin vacibliyindən danışıb, Gəncə şəhərinin iqtisadi, sənaye, təhsil və digər sahələri barədə məlumat verib.
Görüşdə Gəncədə görülən abadlıq-quruculuq işləri çərçivəsində küçələrin işıqlandırılması mövzusuna da toxunulub. Viya Buşa bildirib ki, görüşdən əvvəl “Gəncə Şərab-2” ASC-yə gedib və müəssisədə yaradılan yüksək səviyyəli şəraitlə tanış olub. O, səfər çərçivəsində Mənzil Kommunal Təsərüfatı İstehsalat Birliyini, o cümlədən “Azəralümüinium” ASC-ni də ziyarət edəcəyini vurğulayıb.
Görüşdə şəhərin küçə işıqladırılması ilə bağlı əməkdaşlığa dair bir sıra təkliflər səsləndirilib. Latviyanın “SİA Vizulo” şirkətinin yüksək standartlara cavab verən işqılandırma avadanlıqları haqqında geniş məlumat verilib, ikitərəfli mümkün iqtisadi əməkdaşlıq imkanları müzakirə edilib.
Sonda qarşılıqlı xatirə hədiyyələri təqdim olunub, şəkil çəkdirilib.
Bundan başqa, diplomat Vətən müharibəsi zamanı Ermənistan silahlı qüvvələri tərəfindən raket hücumuna məruz qalmış əraziyə baş çəkib. Ona hadisələr barədə məlumat verilib. Viya Buşa terror zamanı həlak olan dinc sakinlərin xatirəsinə ehtiram əlaməti olaraq, əraziyə gül dəstələri düzüb.
