Sabah “Kəpəz” - “Sumqayıt” qarşılaşması baş tutacaq.
Gencexeber.az xəbər verir ki, bu gün futbol üzrə Azərbaycan Premyer Liqasında 34-cü turun oyunlarına start veriləcək. Turun ən maraqla gözlənilən görüşlərindən biri Gəncəni təmsil edən “Kəpəz”lə “Sumqayıt” arasında olacaq.
Görüş mayın 11-də Tovuz şəhər stadionunda keçiriləcək. Qarşılaşmanın start fiti saat 18:00-da səslənəcək.
Qeyd edək ki, Gəncə komandası üçün turun nəticəsi turnir cədvəlindəki mövqelərinə ciddi təsir göstərə bilər. Klub növbəti mövsümdə də Azərbaycanın peşəkar futbol klublarının çıxış etdiyi ən yüksək təbəqədə qalmaq üçün “Sumqayıt”dan xal almalıdır.
