Şəmkir rayon İcra Hakimiyyətinin keçmiş başcısı Alimpaşa Məmmədov cəzasının azaldılması ilə bağlı Ali Məhkəməyə müraciət edəcək.
Gencexeber.az-a bu barədə keçmiş icra başçısının yaxınları tərəfindən məlumat verilib.
Bildirilib ki, sənədlərin hazırlandığı 6 ay ərzində Ali Məhkəməyə müraciət ediləcək.
Məlumat üçün bildirək ki, Gəncə Apellyasiya Məhkəməsi keçmiş icra başçısının həbs müddətini 11.6 aydan, 10 il, 6 aya endirib.
Qeyd edək ki, Alimpaşa Məmmədov 2021-ci ilin aprel ayında Dövlət Təhlükəsizliyi Xidməti (DTX) tərəfindən keçirilən əməliyyatla həbs olunub.
Sabiq icra başçısına qarşı Cinayət Məcəlləsinin 179.4 (mənimsəmə), 193-1.3.2 (cinayət yolu ilə əldə edilmiş pul vəsaitlərini leqallaşdırma), 308.2 (vəzifə səlahiyyətlərindən sui-istifadə), 311.3.2 və 311.3.3-cü (təkrar, külli miqdarda rüşvət alma) maddələri ilə ittiham elan olunub. Cinayət işi ilə bağlı sabiq icra başçısının 10 milyonluq əmlakı üzərinə həbs qoyulub.
