Gəncədə şəhər sakini oğurluq üstündə tutulub. Bu haqda 7 mart tarixində Daxili İşlər Nazirliyinə istinadən məlumat veririk.
Baş Polis İdarəsinin 1-ci Polis Şöbəsi əməkdaşları əməliyyat keçiriblər. Nəticədə əvvəllər məhkum olunmuş şəhər sakini C.Mərdanov saxlanılıb. O, martın 6-na keçən gecə şəhər ərazisində “VAZ-2107” markalı avtomobildən maqnitofon oğurlamaqda şübhəli bilinir.
Davam edən araşdırma zamanı onun daha bir avtomobildən mobil telefon, içərisində bank kartları və sənədlər olan pulqabı oğurlaması müəyyən olunub. Faktla bağlı araşdırma davam edir.
