Gəncədə gənclər üçün təlim keçiriləcək. Bu haqda 2 avqust tarixində Gənclər Evinə istinadən məlumat veririk.
“Karyera planlaması” mövzusunda təlim Gənclərin İnkişaf və Karyera Mərkəzinin Gəncə-Daşkəsən regional nümayəndəliyinin və Gənclər Evinin birgə təşkilatçılığı ilə baş tutacaq. Tədbiri Dövlət Məşğulluq Agentliyinin Mərkəzi Karyera filialının rəhbəri Toğrul Ələkbərov aparacaq.
Təlim 24, 25 avqust tarixlərində Gəncə Gənclər Evində təşkil olunacaq. Sonda iştirakçılar üçün karyera quruculuğu istiqamətində ekspres konsultasiyalar da təşkil ediləcək.
İştirak ödənişsizdir. Qatılmaq üçün qeydiyyatdan keçmək lazımdır. Son müraciət tarixi 22 avqust saat 23:00-dır. Seçilmiş iştirakçılara təlimlə bağlı ətraflı məlumat veriləcək.
Qeydiyyat linki: https://forms.gle/YSjTmnyzTuE17QBCA .
