Fransanın PSJ futbol klubu “Napoli”nin yarımmüdafiəçisi Xviça Kvaratsxeliyanı heyətinə qatıb.
Gencexeber.az məlumat verir ki, bunu Fransa paytaxtının təmsilçisinin mətbuat xidməti bildirib.
"PSJ Xviça Kvaratsxeliya ilə müqavilə bağlandığını məmnuniyyətlə elan edir. 7 nömrəli formanı geyinəcək 23 yaşlı cinah oyunçusu klubun tarixində ilk gürcüstanlı futbolçu olacaq”, – mətbuat xidməti diqqətə çatdırıb.
Razılaşmaya görə, Tbilisi “Dinamo"sunun yetirməsi 2029-cu ilin iyununadək PSJ-nin formasını geyinəcək.
Qeyd edək ki, Xviça Kvaratsxeliya Gəncənin “Kəpəz” futbol klubunun sabiq futbolçusu Badri Kvaratsxeliyanın oğludur. Badri Azərbaycan çempionatının 1997/98 mövsümündə “Kəpəz”in heyətində Azərbaycan çempionu və ölkə kubokunun qalibi olub. Eləcə də o, çempionatın bombardiri olub. Badri daha sonra “Şəmkir” klubuna keçib.
