Gəncədə yürüş baş tutub. Bu haqda 27 iyun tarixində Regional Təhsil İdarəsinə istinadən məlumat veririk.
Kəpəz zirvəsinə “100” yürüşü Gəncə-Daşkəsən Regional Təhsil İdarəsinin təşkilatçılığı ilə ümummilli lider Heydər Əliyevin 100 illik yubileyi ilə əlaqədar keçirilib. Məqsəd Kəpəz zirvəsinə gedən yolda istiqamətləndirici yol göstəricilərinin qoyulması, alpinist, turist, qonaqların daha çox istifadə etdiyi Xan bulağı yaylağında oturacaqların abadlaşdırılması və müasir tələblərə uyğun təmir olunması kimi faydalı fəaliyyətləri həyata keçirmək olub.
Yürüş çərçivəsində magistral yoldan sonra Kəpəz zirvəsinə gedən istiqamətdə 15 hissədə yol göstəricisi yerləşdirilib. Sonda bayrağımız Kəpəz dağının zirvəsində dalğalandırılıb.
