Gəncə təmsilçisi heyətini gücləndirməyə davam edir. Bu haqda 20 sentyabr tarixində Kəpəz televiziyasına istinadən məlumat veririk.
“Kəpəz”in portuqaliyalı qapıçı İqor Rodrigeslə anlaşdığı bildirilir. Oyunçu hazırda azad agentdir. Transferin yaxın vaxtda rəsmən açıqlanması gözlənilir. Onunla mövsümün sonuna kimi müqavilə bağlanacaq.
Futbolçunun son klubu ölkəsindəki “Feyrense” olub. 28 yaşlı qapıçı, həmçinin Portuqaliyanın “Şaviş”, “Eştoril”, "Sportinq Kovilya" klubunda və “Benfika”nın əvəzedici heyətində çıxış edib. Hazırda Gəncə klubunun qapısını qoruyan Vladislav Vasilyuçekin qeyri-stabil çıxışları klub rəhbərliyini onun mövqeyinə yeni transfer etməyə məcbur qoyub.
