Gəncə təmsilçisi makedoniyalı qapıçı ilə danışıq aparır. Bu haqda 20 iyun tarixində Bizim.media-ya istinadən məlumat veririk.
Bildirilir ki, “Kəpəz” əslən Şimali Makedoniyadan olan Deyan İliçlə maraqlanır. Hazırda Finlandiyanın HİK klubunda oynayan qolkiperlə danışıqlara başlanılıb.
Proses müsbət yekunlaşarsa, “sarı-göylər”in rəhbərliyi İliçlə müqavilə imzalayıb, onu yay təlim-məşq toplanışına çatdırmağı düşünür.
Qeyd edək ki, London “Arsenal”ının yetirməsi olan qapıçı “Şrussberi”, Polşanın “Yagelloniya”, Slovakiyanın “Sered” və “Trentçin” klublarında da çıxış edib.
