Gəncə təmsilçisinin üzvü komandanı tərk edib. Bu haqda 25 iyul tarixində futbol klubuna istinadən məlumat veririk.
Söhbət müdafiəçi Zamiq Əliyevdən gedir. 22 yaşlı futbolçu “Kəpəz”in baş məşqçisi Azər Məmmədova müraciət edərək, oynamaq üçün daha çox şans əldə edəcəyi komandaya keçmək istədiyini bildirib. Qərar klubun rəhbərliyi ilə müzakirə olunub və tərəflər yollarını ayırıb.
Bildirilir ki, “Qarabağ”ın yetirməsi olan Zamiq Əliyev “Araz-Naxçıvan” ilə bir il müddətinə anlaşıb.
