Gəncədə futbol klubunun tərkibində amputant komandası fəaliyyətə başlayır. Bu haqda 17 iyun tarixində “Kəpəz”ə istinadən məlumat veririk.
Bildirilib ki, bir neçə il əvvəl yaradılan “Kəpəz” amputant komandası klubun tərkibində fəaliyyət göstərəcək. Klub rəhbərliyinin verdiyi qərar əsasında kollektiv himayəyə götürülüb. Komanda geyim dəstləri, top və digər lazımi inventarla təmin olunub.
Gəncə şəhər stadionunda futbolçuların hazırlıq keçməsi üçün imkan yaradılıb. Bundan başqa, komandanın səfər oyunları üçün yol xərcləri də bir müddət klub tərəfindən qarşılanacaq.
Klubun İdarə Heyətinin sədri İlqar Nadiri və əsas komandanın baş məşqçisi Azər Məmmədov komanda üzvləri ilə görüşüblər. Onlar hazırlıq prosesi və gələcək planlarla maraqlanıblar. Kollektivə qarşıdakı yarışlarda uğurlar arzulanıb. Sağlamlıq imkanları məhdud şəxslərin cəmiyyətə inteqrasiyasının vacib məsələ olduğu və idmanın, futbolun bu işdə körpü rolunu oynadığı qeyd edilib.
