Ədalət Partiyasının sədri İlyas İsmayılovla keçirilən vida mərasimi başa çatıb.
Report.аz xəbər verir ki, Heydər Məscidində baş tutan mərasimdə mərhumun yaxınları, dövlət və ictimaiyyət nümayəndələri iştirak ediblər.
İlyas İsmayılovun nəşi bu gün Nardaran qəbiristanlığında dəfn olunacaq.
Qeyd edək ki, mərhum 1938-ci il martın 20-də Tovuz rayonunda anadan olub. 1985-1990-cı illərdə respublika prokuroru, 1992-1995-ci illərdə isə ədliyyə naziri kimi fəaliyyət göstərib. Milli Məclisin III və IV çağırış deputatı olub.
İ.İsmayılov 2001-ci ildən etibarən Ədalət Partiyasına sədrlik edib.
