Göygöl Rayon İcra Hakimiyyəti (RİH) başçısının müavini – Sosial-iqtisadi və memarlıq-tikinti məsələləri şöbəsinin müdiri Arzu Qocayev tutduğu vəzifədən azad edilib.
Bu barədə iqtisadiyyat.аz-a RİH-dən məlumat verilib.
Bildirilib ki, dövlət qulluğunda fəaliyyətini digər qurumda davam etdirəcəyi ilə əlaqədar onunla bağlanmış əmək müqaviləsinə xitam verilib.
Qeyd edək ki, Qocayev Arzu Rövşən oğlu 1991-ci ildə Göygöl şəhərində anadan olub. 2008-2012-ci illərdə Azərbaycan Dövlət Neft Akademiyasında Beynəlxalq iqtisadi münasibətlər ixtisası üzrə bakalavr, 2012-2015-ci illərdə isə Beynəlxalq ticarət ixtisası üzrə magistr təhsili alıb. A.Qocayev 2022-ci ilin dekabrından icra başçısının müavini idi.
