“Xalqımız sağ olsun. Böyük faciədir”.
Bu sözləri Gencexeber.az-a Bakı-Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində həlak olan Hökumə Əliyevanın həyat yoldaşı Etibar Əliyev deyib.
Onun sözlərinə görə, hər gün xanımını işə özü aparıb:
“Üçü də qəhrəman şəkildə dünyalarını dəyişdilər. Xatirələrimizə nə qədər gözəl, nə qədər əziz desəm, az olar. Gələcək üçün planlarımız var idi. Qismət olmadı.
Sonuncu dəfə Mehriban, deyə-gülə yeməyimizi yedik. Şirin söhbət edə-edə işə yola düşdük. Saat 12-də onun arxasınca gedəcəkdim. Amma qismət olmadı”.
