Gəncədə “Tarix yazaraq tarixə yazılanlar” adlı görüş təşkil edilib. Bu haqda 7 iyun tarixində Regional Mədəniyyət İdarəsinə istinadən məlumat veririk.
Gəncə şəhər Mərkəzi Kitabxanasının Xidmət şöbəsində keçirilən tədbirdə Vətən müharibəsi qəhrəmanları Eltay Quliyev və Taleh Abdullayevin ailə üzvləri iştirak ediblər.
Tədbirdə şəhidlərimizin ruhu 1dəqiqəlik sükutla yad edilib. Burada qəhrəmanlarımıza həsr olunmuş videoçarx nümayiş olunub. Ailə üzvləri qəhrəmanların şərəfli döyüş yolundan söz açıblar.
Sonda tədbirdə iştirak edən şəhid övladlarına kitablar hədiyyə olunub.
