Bu gün şəhid Xaliq Həsənovun doğum günüdür.
Xaliq Tofiq oğlu Həsənov 26 avqust 1970-ci ildə Gəncədə anadan olub. 19 saylı orta məktəbi bitirib. O, İnşaat Texnikumunun məzunu olub. Rusiyanın Tula şəhərində həqiqi hərbi xidmətdə olub.
Xaliq 1993-cü ilin aprel ayında Nizami Rayon Hərbi Komissarlığı tərəfindən səfərbərliyə alınıb. 709 saylı hərbi hissənin tərkibində kəşfiyyatçı olub. Döyüş yolu qısa, lakin şərəfli olub. Düşmən sərhədini keçib, gizli yolla ermənilər haqqında qiymətli hərbi məlumatlar əldə edib.
Xaliq Tofiq oğlu Həsənov 16 may 1993-cü il tarixində şəhidlik zirvəsinə ucalıb.
Şəhidimiz Gəncə Şəhidlər xiyabanında dəfn olunub.
