Bu gün şəhid Yaqub Həsənovun doğum günüdür.
Yaqub Faiq oğlu Həsənov 19 yanvar 1975-ci ildə Gəncədə fəhlə ailəsində anadan olub. 1989-cu ildə 19 nömrəli tam orta məktəbin 8-ci sinfini bitirib. Sonra Yüngül Sənaye texnikumuna daxil olub. Texnikumun axırıncı kursunda hərbi xidmətə çağırılıb.
O, Qusarda üç ay hərbi təlim keçdikdən sonra Tərtərə göndərilib və 703 saylı hərbi hissədə xidmət edib. Döyüşlərin birində sol ayağından yaralanan Yaqub 1 ay hərbi hospitalda müalicə olunduqdan sonra yenidən döyüş bölgəsinə qayıdıb.
Həsənov Yaqub Faiq oğlu 1994-cü il avqustun 22-də Qırmızıkənd uğrunda gedən ağır döyüşdə şəhidlik zirvəsinə ucalıb. O, Gəncənin Şəhidlər xiyabanında dəfn olunub.
