Bu gün Elmar Məmmədovun doğum günüdür.
Elmar Saleh oğlu Məmmədov 18 avqust 1999-cu ildə Gəncədə doğulub. 17 nömrəli tam orta məktəbi bitirib. 2017-ci ildə həqiqi hərbi xidmətə çağırılıb. 2020-ci ilin sentyabr ayında Azərbaycan Ordusunda keçirilən hərbi təlimlərə cəlb olunub.
27 sentyabr tarixində o, Xocavənd rayonunun Ağoğlan (Hadrut), Füzuli, Qubadlı və Xocavənd rayonlarının azadlığı uğrunda gedən döyüşlərdə vuruşub. Elmar Saleh oğlu Məmmədov 9 noyabr 2020-ci ildə Xocavənd uğrunda gedən döyüşlərdə şəhidlik zirvəsinə ucalıb.
Şəhidimiz 21 noyabr 2020-ci ildə Gəncədə Şəhidlər xiyabanında dəfn olunub.
O, Prezident tərəfindən “Vətən uğrunda”, “Döyüşdə fərqləndiyinə görə” və “Xocavəndin azad olunmasına görə” medalları ilə təltif olunub.
