Gəncədə şəhid ailəsi ilə görüş baş tutub. Bu haqda 12 sentyabr tarixində ATU-ya istinadən xəbər veririk.
Azərbaycan Texnologiya Universitetinin rektoru Yaşar Ömərov Füzuli uğrunda gedən döyüşlərdə şəhidlik zirvəsinə yüksələn Amal Əhmədovun ailəsi ilə görüşüb. Tədbirdə şəhidin bacısı Əsmər Əhmədova tələbə adını qazanması münasibətilə təbrik olunub. Rektor ona təhsil alacağı Azərbaycan Texnologiya Universitetində yaradılan şəraitdən bəhs edib.
Qeyd edək ki, şəhidimizin bacısı ATU-nun dövlət və bələdiyyə idarəetməsi ixtisasında təhsil alacaq.
