Gəncədə internetin sürəti artırılacaq. Bu haqda 29 dekabr tarixində Kəpəz televiziyasına istinadən məlumat veririk.
“Aztelekom” tərəfindən Gəncədə GPON texnologiyası ilə genişzolaqlı xidmətlərin çəkilişinə başlanılıb. Vətəndaşları kəsintiniz və sürətli internetlə təmin etmək məqsədilə şirkət GPON texnologiyası əsasında fiber-optik şəbəkə yaradıb. Layihə çərçivəsində artıq 8779 ev təsərrüfatı yüksək sürətli internetlə təmin olunub.
Şəhərin V.Xuluflu, Ü.Hacıbəyov, F.Əliyev, Miçurin küçələrində, 1, 3, 4, 5-ci mikrorayonlarında və Şah İsmayıl Xətai, Heydər Əliyev prospektlərində artıq GPON texnologiyası əsasında fiber-optik şəbəkə qurulub. Əhali yüksək sürətli internetlə təmin olunub. Gülüstan, Məhsəti qəsəbələrində isə bu istiqamətdə işlər gedir. Hazırda 692 abunəçi internet xidmətindən yararlanır və yeni qoşulmalar davam edir.
Yeni GPON texnologiyasının tətbiqi ilə abunəçilərə daha yüksək sürətli 30 meqabit saniyədən 100 meqabit saniyəyədək internet paketləri təklif olunur. Xidmət haqqı seçilmiş tarifdən və müştəri tələbatından asılı olaraq, 18 manatdan 54 manatadək dəyişir.
