Gəncədə bir nəfər damı təmir edərkən yıxılıb. Bu haqda 19 iyun tarixində FHN-ə istinadən məlumat veririk.
Hadisə şəhərin Cavad bəy Şıxlinski küçəsində qeydə alınıb. Fövqəladə Hallar Nazirliyinin "112" qaynar telefon xəttinə sakinin köməksiz vəziyyətdə qalması barədə məlumat daxil olub.
Əraziyə xilasedicilər cəlb ediliblər. Məlum olub ki, Cavid Əsgərov tikilinin dam örtüyünü təmir edərkən ehtiyatsızlıqdan girişi olmayan boşluğa yıxılaraq köməksiz vəziyyətdə qalıb. O, müxtəlif xəsarətlər alıb.
Xilasedicilər Əsgərovu təxliyə edərək təcili tibbi yardım briqadasına təhvil veriblər.
