Gəncədə şəhər rəhbərliyi yeni təyin olunmuş nümayəndə ilə görüşüb. Bu haqda 8 sentyabr tarixində İcra Hakimiyyətinə istinadən xəbər veririk.
Niyazi Bayramovun Qərbi Azərbaycan İcmasının Gəncə üzrə yeni təyin olunmuş nümayəndəsi professor Mübariz Yusifovla görüşü baş tutub. Tədbirdə YAP Gəncə şəhər təşkilatının sədri və İcra Hakimiyyəti başçısı Aparatının məsul əməkdaşları iştirak ediblər. Burada şəhər rəhbəri qeyd edib ki, “Qərbi Azərbaycan TV” adı altında internet televiziya kanalı yayımlanır, burada Qərbi Azərbaycan həqiqətlərinin təbliğinə geniş yer ayrılıb. Niyazi Bayramov professor Mübariz Yusifova işlərində uğurlar arzulayıb.
Yusifov bildirib ki, icmanın yerli nümayəndəsi kimi şəhərdə yaşayan Qərbi azərbaycanlılar arasında qayıdış hüququnun təşviqi və onların adət-ənənələrinin, folklorunun, mədəni dəyərlərinin təbliği istiqamətində yerli səviyyədə fəaliyyət həyata keçirəcək.
