Gəncənin Gülüstan qəsəbəsində təmirsiz yollar yağışlı havada “göl” əmələ gətirib.
Məsələ ilə bağlı Gencexeber.az-a şikayət ünvanlayan qəsəbə sakinləri bildirir ki, küçələrdə yaranan gölməçələr onların hərəkətini iflic edib:
“Qəsəbənin bu problemi illərdir qalmaqdadır. Göygölün ucqar kəndlərində heç bu cür biabırçı vəziyyət yoxdur. Göydən iki damcı düşən kimi palçığa qərq oluruq. Dünəndən davam edən güclü yağış səbəbindən isə küçələrdə hərəkət edə bilmirik. Aidiyyəti qurumlardan tələb edirik ki, bu zülmdən bizi qurtarsınlar, yollar asfaltlansın”.
