Gəncə şəhərinin Şəddadilər küçəsinin sakinləri uzun illərdir yol problemi ilə üz-üzə qaldıqlarını bildirirlər.
Gencexeber.az-a şikayətlərini bildirən vətəndaşların sözlərinə görə, küçədə asfalt örtüyünün olmaması nəqliyyatın hərəkətini çətinləşdirir, yağışlı havalarda isə vəziyyət daha da ağırlaşır.
Onlar bildirirlər ki, Şəddadilər küçəsində vəziyyət acınacaqlıdı. Belə ki, bu küçə ictimai nəqliyyat marşrutudur. 7 və 12 nömrəli avtobuslar hər gün həmin yoldan istifadə edir.
Problemdən Gəncə şəhəri Səməd Vurğun adına 41 nömrəli təbiət və humanitar fənlər təmayüllü liseyin yaxınlığında yaşayan vətəndaşların da əziyyət çəkdiyi qeyd olunur.
Sakinlər aidiyyəti qurumlardan küçənin asfaltlanmasını və uzun illərdir davam edən yol probleminin aradan qaldırılmasını xahiş edirlər.
