Gəncə şəhər Mənzil Kommunal Təsərrüfatı İstehsalat Birliyinin Fəvvarələrə nəzarət və qulluq şöbəsi tərəfindən şəhərin müxtəlif ərazilərində yerləşən fəvvarələrin təmizlənməsi işləri həyata keçirilir.
Gencexeber.az məlumat verir ki, şöbənin əməkdaşları tərəfindən Gəncə Dövlət Filarmoniyasının qarşısında, Baş meydanda və Xan bağında yerləşən fəvvarələrin daxili hissələri çirkab və mamırdan yuyularaq təmizlənib.
Qurğulara texniki və sanitar qulluq göstərilib, motorxanaları sazlanıb.
Qeyd edək ki, yaz və yay ayları boyu fəvvarələr gün ərzində işləməklə park və xiyabanlara istirahətə gələn insanların rahatlığına xidmət edir.
