Gəncə şəhərinin "Pasyolka" adlanan ərazisində, "Metallurq" stadionunun yaxınlığında yerləşən kəsişmədə dəfələrlə avtomobil qəzaları baş verib.
Gencexeber.az-a daxil olan çoxsaylı şikayətlərə görə, sözügedən yolayrıcında işıqforun olmaması səbəbindən burada tez-tez yol-nəqliyyat hadisələri qeydə alınır. Bu vəziyyət həm sürücülər, həm də piyadalar üçün ciddi təhlükə yaradır.
Vətəndaşlar aidiyyəti qurumlardan yolayrıcına baxış keçirilməsini və qəza hallarının qarşısının alınması məqsədilə burada işıqfor quraşdırılmasını xahiş edirlər.
